បន្ទាយមានជ័យ៖ឈើរគ្រញូង កន្លះតោន បារីក្លែងក្លាយ រួមទាំងផ្កាថ្មសមុទ្រវៀតណាមដែលមានតម្លៃសរុបរាប់លានបាត ត្រូវបានសមត្ថកិច្ចថៃ បង្រ្កាបបាន ខណះកម្មករអូសរទេះបង្រុងឆ្លងដែនចូលមកកម្ពុជាតាមច្រកទ្វារអន្តរជាតិប៉ោយប៉ែត។

តាមប្រភព ព័ត៌មានបានអោយដឹងថា៖នៅវេលាម៉ោង១០,០០នាទីព្រឹក ថ្ងៃទី២១ ខែធ្នូរ ឆ្នាំ២០១៨នេះ កម្លាំងចម្រុះថៃ ដោយបែងចែកជា២ក្រុម ដែលក្រុមទី១ ដាក់ប៉ុស្ត៍ត្រួតពិនិត្យភ្ញៀវចេញ-ចូល នៅបរិវេណមុខច្រកទ្វារអន្តរជាតិ អារញ្ញ ខេត្តស្រះកែវ ដើម្បីទប់ស្កាត់នឹងចាប់ឃុំ ការលបលួចនាំចូលគ្រឿងញៀន នឹងរបស់ល្មើសច្បាប់ផ្សេងៗ យ៉ាងតឹងតែងបំផុត ។តមកកម្លាំងសមត្ថកិច្ចខាងលើ ឃើញកម្មករខ្មែរចំនួន៤នាក់ អូសរទេះបង្កប់ទំនិញពេញរទេះ ដោយមានផ្ទាំងសំពត់កៅស៊ូពណ៌ខៀវ គ្របពីលើយ៉ាងជិត ចេញពីផ្សាររោងគ្លឿ ឆ្ពោះទៅប៉ោយប៉ែត ប្រទេសកម្ពុជា ទើបសមត្ថកិច្ចសុំពិនិត្យមនុស្ស តែកម្មករខ្មែរទាំងនោះ បែរជារត់ចោលរទេះ នឹងរត់ចូលផ្សាររោងគ្លឿបាត់ស្រមោល ទើបសមត្ថកិច្ចធ្វើការឆែកឆេររទេះ ដោយយកចិត្តទុកដាក់ ក៏ប្រទះឃើញក្នុងរទេះខាងលើ មានឈើគ្រញូងកែឆ្នៃ ចំនួន២៥ផ្ទាំង ទម្ងន់៥០០គីឡូក្រាម តម្លៃប្រមាណ៥០០,០០០លានបាត (តម្លៃលក់នៅប្រទេសកម្ពុជា ដោយក្នុងមួយគីឡូ១០០០បាត)ដោយឈើគ្រញូងទាំងអស់នោះ រំដោយក្រដាសពណ៌ស្ករ នឹងមានកែសម្សៅគ្របពីលើ ដើម្បីកុំឲ្យមើលឃើញពីខាងក្រៅ។ខណះនោះដែរ ក្រុមទី២បានឃើញរទេះ២គ្រឿង ដែលចតទទឹងផ្លូវចូលប្រទេសថៃ សមត្ថកិច្ចធ្វើការឆែកឆេរ ក៏ប្រទះឃើញបារីម៉ាកMa Boro នឹងបារីផ្សេងៗទៀត ដែលផល្លិតនៅប្រទេសកម្ពុជា ចំនួន២៣សុង តម្លៃប្រមាណ២៣,០០០បាត ដែលបារីទាំងអស់ បង្កប់នៅបាតរទេះ ដោយមានក្រណាត់ពណ៌ខ្មៅគ្របពីលើ ដោយឡែករទេះទី២ សមត្ថកិច្ចរកឃើញ ផ្កាថ្មសមុទ្រវៀតណាម ចំនួន៦៩ថង់ តម្លៃប្រមាណ៥០,០០០បាត ។សូមរំលឹកថា ក្រោយពីការរឹបអូសទំនិញ ខុសច្បាប់ទាំង៣ប្រភេទលើកនេះ សមត្ថកិច្ចបានចាប់ខ្លួនជនល្មើសបាន ដោយសារតែជនល្មើស បន្លំខ្លួនជាកម្មករអូសរទេះ ហើយរទេះមានភាពយឺតយ៉ាវ។ក្រោយ

ប្រតិបត្តិការ សមត្ថកិច្ចបានបញ្ជូនជនល្មើស នឹងវត្ថុតាងទាំងអស់ ទៅសមត្ថកិច្ចជំនាញ ដើម្បីចាត់ការតាមច្បាប់៕