ប្រទះឃើញសាកសពបុរសម្នាក់ហើមស្អុយរលួយ សង្ស័យស្រវឹងស្រាខ្យល់គដួលស្លាប់!
ឧត្តរមានជ័យ៖បុរសវ័យចំណាស់ម្នាក់មកពីសុ្រកឆ្ងាយសង្ស័យផឹកស្រាស្រវឹងខ្យល់គដួលស្លាប់ក្បែររូបសំណាក់លោកយាយម៉ៅផ្លូវឡើងច្រកអន្តរជាតិជាំក្នុងភូមិជើងភ្នំឃុំត្រពាំងប្រីយ៍ស្រុកអន្លង់វែងខេត្តឧត្តរមានជ័យ។
រហូតសាកសពហើយស្អុយរលួយទើបមានគេប្រទះឃើញតែមិនមានអ្នកណាស្គាល់អត្តសញ្ញាណឡើយ។
តាមការរៀបរាប់ពីប្រជាពលរដ្ឋដែលបានប្រទះឃើញសាកសពនិយាយថា៖កាលពីព្រឹកថ្ងៃទី៩ខែកុម្ភៈឆ្នាំ
២០១៨ខ្លួននៅឈរក្បែមាត់ប្រឡាយជ្រោះដែលស្ថិតនៅចង្កេះភ្នំស្រាប់តែមានធុមក្លិនស្អុយហើយខ្លួនបានតាមដានក្លិនស្អុយនោះក៏ឃើញសាកសពមនុស្សហើមស្អុយរលួយហើយភ្លាមៗនោះខ្លួនបានរាយការណ៍ដល់សមត្ថកិច្ច។
សមត្ថកិច្ចស្រុកអន្លង់វែងបានឱ្យដឹងថា កម្លាំងជំនាញ បានចុះទៅធ្វើការពិនិត្យនៅជុំវិញនឹងកន្លែងកើតហេតុ ជាជំហានដំបូងសមត្ថកិច្ចបានធ្វើការសនិដ្ឋានថា បុរសរូបនេះអាចផឹកស្រាស្រវឹងហើយចុះទៅរកទឹក ហើយខ្យល់គរដេកស្លាប់ព្រោះនៅក្បែរសាកសពសមត្ថកិច្ចរកឃើញស្រាថ្នាំនៅសល់កន្លះដបនិងមីមួយកញ្ចប់ដូច្នេះជនរងគ្រោះអាចជាអ្នកញៀនស្រាជាប្រចាំ។
សមត្ថកិច្ចបានបញ្ជាក់ថាសមត្ថកិច្ចមិនទាន់អាចបញ្ជាក់ពីអត្តសញ្ញាណជនរងគ្រោះនោះឡើយព្រោះសភាពសាកសពហើមស្អុយរលួយស្ទើរតែទាំងស្រុងហើយទោះបីជាបែបណាសមត្ថកិច្ចនឹងធ្វើការស្រាវជ្រាវប្រគល់អោយសាច់ញ្ញាតិឬបូជានៅនឹងកន្លែងតែម្តង៕
![]()
![]()
![]()