ប៉ុន្មានថ្ងៃចុងក្រោយនេះចំនួនអ្នកឆ្លងនៃជំងឺកូវីដ19 នៅកម្ពុជាបានកើនឡើង ដែលជាការព្រួយបារម្ភរបស់ប្រជាពលរដ្ឋនិងរាជរដ្ឋាភិបាលផងដែរប៉ុន្តែចំនួនអ្នកឆ្លងទាំងអស់ភាគច្រើនជាករណីនាំចូលពីបរទេសតាមការកត់សម្គាល់គឺជាការហោះហើរចូលពីប្រទេសម៉ាឡេស៊ី និងឥណ្ឌូនេស៊ី។ ដោយសារមូលហេតុនេះហើយនៅមុននេះយោងតាមលិខិតស្នើសុំរបស់ក្រសួងសុខាភិបាលដែលបានដាក់ជូនសម្ដេចតេជោហ៊ុនសែននាយករដ្ឋមន្ត្រីនៃកម្ពុជាបានសុំគោលការណ៍ដ៏ខ្ពង់ខ្ពស់បិទជើងហោះហើរពីប្រទេសម៉ាឡេស៊ីនិងឥណ្ឌូនេស៊ីចាប់ពីថ្ងៃទី 1 ខែសីហាឆ្នាំ 2020 តទៅដោយខ្លឹមសារនៃសំណើសុំនេះបានសង្កត់ធ្ងន់ថាដើម្បីទប់ស្កាត់ការនាំចូលនៃជំងឺកូវីដ19។ ជាការឆ្លើយតបសម្ដេចតេជោហ៊ុនសែនក៏បានចាឯកភាពតាមការស្នើសុំនោះ៕